टिकटकमा भिडियो बनाउँदा गयो ज्यान

प्रकाशित मिति : ११ श्रावण २०७६, शनिबार

पछिल्लो समय सामाजिक संजालटिकटक निकै लोकप्रिय भईरहेको छ । टिकटकमा रमाउनेहरुको संख्या बढिरहेको छ ।
टिकटकको लत बढेसँगै यसले पार्ने असरहरुका बारेमा भने सोचिएको छैन । टिकटकको क्रेजले पछिल्लो समय भारतमा एकजनाको ज्यान गएको छ ।
टिकट भिडियो बनाउने क्रममा भारतको हैदरवादमा एकजनाको मृत्यु भएको हो । टिकटक भिडियो बनाउने क्रममा तालमा खसेर मृत्यु भएको अन्र्तराष्ट्रिय समाचार संस्थाहरुले जनाएका छन् ।

हैदरादको मेदचाल जिल्लास्थित डुलापाल्ली तालमा उक्त घटना भएको हो ।
नरसिंह नाम गरेका ती युवक टिकटकमा भिडियो रेकर्ड गर्ने क्रममा तालमा खसेको थिए । उनले तालको छेउँमा उभिएर अभिनय गरेका, र उनका साथीले भिडियो खिचिरहेका जनाइएको छ । त्यसक्रममा उनी चिप्लिएर तालको गहिराइमा खसेको बताइएको छ ।
उनी पौडी खेल्न नजान्ने भएको हुँदा बाहिर निस्किन नसकेको र उनको मृत्यु भएको समाचारमा उल्लेख छ । (एजेन्सीको सहयोगमा)