सिमा विवाद प्रकरण : हल्ला धेरै काम कम, ओलीका विशेष दूत माधव नेपाललाई दिल्लीले बोलाएन
एस.के. लम्साल, मिडिया क्लब नेपाल । भारतले जम्मु कश्मिर र लद्दाखलाई अलग गरी केन्द्र शासित क्षेत्र बनाएपछि जारी गरेको राजनीतिक नक्सामा लिपुलेक र कालापानी लगायत नेपालको भूभाग पनि समेटेपछि नेपालमा उत्पन्न विरोधबारे भारतीय नेतृत्व पूर्ण रुपमा जानकार छ । भारतले यो नक्सालाई विगतकै निरन्तरता भन्दै यसअघिको नक्सामा भएकै भूभाग यथावत राखिएको दाबी गरेको छ ।
भारतीय नक्सापछि उत्पन्न बिरोधका बीच प्रधानमन्त्री ओलीले दोस्रो च्यानलको कुटनीति प्रयोग गरेर पार्टीभित्र ओलीबाट पेलिएको महसुस गरेका माधव नेपाललाई प्रधानमन्त्रीले नै कात्र्तिक मसान्ततिर निवासमै बोलाएर विशेष दूतका रुपमा लिपुलेक प्रकरणमा आवश्यक परेमा मोदीसँग कुरा गर्ने गरी भारत जानुपर्ने हुनसक्छ भनेका विषयहरु सञ्चार माध्यमबाट बाहिर आएका छन् ।
तर, भारतीय पक्ष विशेष दूतप्रति सकारात्मक नभएको जानकारीपछि यो विषय अघि बढेन । भारतले चासो नदिएपछि सिमा प्रकरण ओझेलमा परेको छ ।
नेपालका लागि भारतीय राजदूत भने सिमा विवाद प्रकरणलाई अन्र्तराष्ट्रियकरण गर्न नदिने खेलमा जुटिरहेका छन् ।
