कोभिड–१९ (कोरोना भाइरस) : ३ लाख संक्रमित, १३ हजारको मृत्यु

प्रकाशित मिति : ९ चैत्र २०७६, आइतबार

एजेन्सी । कोभिड–१९ (कोरोना भाइरस)बाट संक्रमित हुनेहरूको संख्या विश्वभर ३ लाख नाघेको छ । यो समाचार तयार पार्दासम्म ३ लाख ५ हजारमा संक्रमण पुष्टी भएको छ ।

कोरोना संक्रमणबाट विश्वभर ज्यान गुमाउनेको संख्या १३ हजार नाघेको छ । यो समाचार तयार पार्दासम्म १३ हजार ३ जनाको मृत्यु भएको छ ।

चीनमा आन्तरिक नयाँ संक्रमणको कुनै रिपोर्ट आएको छैन । तर विदेशबाट चीन फर्केका नयाँ संक्रमितहरु भने देखिएको बताइएको छ । नयाँ बिरामीहरुमा संक्रमण आयातित भएको चीनका अधिकारीहरुले बताएका छन् ।