भारततर्फ भाग्न लागेकी सरिता गिरी सिमामै रोकिइन्

प्रकाशित मिति : २ असार २०७७, मंगलबार

मिडिया क्लब नेपाल, काठमाडौं । जनता समाजवादी पार्टीकी नेतृ तथा सांसद सरिता गिरी भारत जान लाग्दा सिराहा प्रहरीले सीमामा रोकेको छ । सिरहाको ठाडी नाकाबाट मंगलबार उनी भारत जान लागेकी थिइन् ।
सिरहाका प्रहरी प्रमुख एसपी उमाशंकर चतुर्वेदीले भारतले आफ्नो देश छिर्न खुला गरेको नाका नभएकाले ठाडीबाट प्रवेश गर्न नदिइएको बताए । उनले भने, ‘ठाडीबाट प्रवेश गर्न भारत सरकारको अनुमती छैन । त्यसैले अनुमती पाएको ठाउँबाट जानुस भनेर फर्काएका हौं ।’
भारतले आफ्नो दावी गर्दै आएको लिपुलेक, लिपियाधुरा र कालापानी क्षेत्र नेपालले आफ्नो नक्सामा समेटेपछि गिरीले त्यसको विरोध गर्दै आएकी थिइन् । पछिल्लो समय उनीविरुद्ध सडकमा निरन्तर प्रदर्शनहरु भएका थिए । गिरीको माइत भारत हो ।