एकैदिन थपिए ३४३९ जना कोरोना भाइरसका नयाँ संक्रमित

प्रकाशित मिति : २१ आश्विन २०७७, बुधबार

मिडिया क्लब नेपाल, काठमाडौं । बुधबार नेपालभर ३४३९ जनामा कोरोना भाइरसको संक्रमण पुष्टि भएको छ ।
स्वास्थ्य मन्त्रालयले नियमित प्रेस ब्रिफिङमार्फत देशभरका प्रयोगशालामा १४ हजार २०९ नमुना परीक्षण गर्दा १२६१ महिला र २१७८ पुरुषमा संक्रमण पुष्टि भएको हो । यससँगै कुल संक्रमितको संख्या ९४ हजार २५३ पुगेको छ । देशभर २५ हजार ७ संक्रिय संक्रमित रहेका छन् ।
आज बुधबार कोरोनाका कारण देशभर १५ जनाको मृत्यु भएको छ । हालसम्म ५७८ जनाको मृत्यु भएको छ भने ६८ हजार ६६८ जना संक्रमणमुक्त भएका छन् । पछिल्लो २४ घण्टामा मात्र ११२६ जना संक्रमणमुक्त भएका छन् ।
१४ हजार ४११ होम र १० हजार ५९६ जना संस्थागत आइसोलेसनमा छन् । उनीहरुमध्ये २३३ जनाको आईसीयू र ३७ जनाको भेन्टिलेटरमा उपचार भइरहेको स्वास्थ्य तथा जनसंख्या मन्त्रालयले जनाएको छ ।