नेकपा (नेकपा) नेतृत्वको सरकारलाई पचेन बहुमत, संसद् विघटन गर्न सिफारिस
काठमाडौं । प्रधानमन्त्री केपी शर्मा ओलीको नेतृत्वमा आइतबार बिहान बसेको मन्त्रिपरिषद्को आकस्मिक बैठकले संसद विघटन गर्न राष्ट्रपतिसमक्ष सिफारिस गर्ने निर्णय गरेको छ ।
बालुवाटारस्थित प्रधानमन्त्री निवासमा बिहान मन्त्रिपरिषदको आकस्मिक बैठक बसेको थियो ।
नेपालको संविधानमा विश्वासको मत प्राप्त गर्न नसकेको अवस्थामा वा प्रधानमन्त्री नियुक्त हुन नसकेको अवस्थामा बाहेक संसद विघटनसम्बन्धी स्पष्ट प्रावधान छैन ।
सत्तारूढ नेकपामा विद्यमान आन्तरिक विवादका माझ प्रधानमन्त्री ओलीले संसद विघटनको प्रस्ताव लगेका हुन् ।
विघटनको सिफारिस तत्काल नमान्न राष्ट्रपतिलाई संविधानविदहरूले समेत आग्रह गरेका छन् ।
