उत्तर कोरियाको कब्जामा रुसीे जहाज, १७ कर्मचारी समातिए

प्रकाशित मिति : ८ श्रावण २०७६, बुधबार

एजेन्सी – उत्तर कोरियाले रुसको जहाज कब्जामा लिएको छ । त्यहाँ सम्बद्ध १७ कर्मचारीलाई हिरासतमा लिएको रुसी दूतावासले पुष्टि गरेको छ । प्रवेश नियमावली उल्लंघन गरेको भन्दै उत्तर कोरियाले उक्त जहाज कब्जामा लिएको हो ।

१५ जना रुसी र २ जना दक्षिण कोरियालीहरूलाई साउन १ गते नियन्त्रणमा लिई, उनीहरूलाई वोनसान शहरस्थित होटलमा राखिएको जानकारी प्राप्त भएको छ ।
उक्त जहाज माछा मार्नका लागि उपयोग गरिने र त्यसको स्वामित्व नर्थईस्ट फिशरी कम्पनीमा रहेको रुसी दूतावासले जनाएको छ ।

रुसले उत्तर कोरियासँग निकट सम्बन्ध कायम गरेकाले व्यापारिक साझेदारी पनि गर्ने गरेको छ ।
दक्षिण कोरियाले उत्तरसँग तनाव घटाउन विभिन्न प्रयास गरेको भएता पनि शउलको अनुमतिबिना दक्षिण कोरियालीहरू उत्तर कोरिया जान प्रतिबन्ध कायमै छ ।