एक महिनादेखि जाजरकोट अस्पतालमा औषधि अभाव

प्रकाशित मिति : ११ श्रावण २०७६, शनिबार

मिडिया क्लब नेपाल – जाजरकोट

कर्णाली प्रदेश मताहतमा रहेर सञ्चालन रहेकोे जाजरकोट अस्पतालले १ महिना अघिदेखि औषधिको अभाव खेपिरहेको छ । अत्यावश्यकीय औषधिसमेत आपूर्ति नहुँदा समस्या भएको अस्पताल प्रशासनले जनाएको छ ।
औषधी अभावले बिमा गरेका बिरामीले सबैभन्दा बढी समस्या खेपेका छन् । बीमा गरेका बिरामीले समेत औषधि नहुँदा औषधि पसलमा गएर औषधि किन्न बाध्य भएका छन् । इनजेकसन, सिफेकजन, एमपि, कोलकसा, पाराफ्लाम, डिएफओ गेल इनजेकसन, पेनटोप घाउमा लगाउने मलम, मेयुपेरेसन जीवनजल, टेबलेट, पेनटोपलगायत औषधिको अभाव भएको हो । दैनिक पुर्जी लिएर औषधि किन्न फार्मेसीमा बिरामी पुगेपनि औषधि नहुँदा बाहिरका औषधि पसलमा गएर खरीद गर्न बाध्य हुनुपरेको बिरामीले बताएका छन् ।
निःशुल्क पाइने औषधिसमेत जाजरकोट अस्पतालबाट पाउन नसकेको उपचारका लागि आएका स्थानीले गुनासो गरेका छन् ।