अस्कर अवार्डका लागि ‘बुलबुल’ निर्विरोध सिफारिस
मिडिया क्लब नेपाल, काठमाडौं
‘एकेडेमी अफ मोसन पिक्चर आर्टस् एण्ड साइसेन्स’द्वारा प्रदान गरिने ९२ औं एकेडेमी अवार्ड (अस्कर अवार्ड) २०२० का लागि अन्तर्रा्ष्ट्रिय फिचर चलचित्र विधामा नेपालबाट ‘बुलबुल’ चलचित्र प्रतिष्पर्धाका लागि सिफारिस भएको छ । बुधबार बसेको अन्र्तराष्ट्रिय फिचर चलचित्र छनोट समितिको बैठकले विनोद पौडेलद्वारा निर्देशित फिल्म ‘बुलबुल’ लाई सिफारिस गरेको हो ।
‘बुलबुल’ले सन् २०२० फेब्रुअरी ९ तारिख आइतबारका दिन अमेरिकाको लस् एन्जेलसको डल्बी थिएटरमा हुने ९२ औं एकेडेमी अवार्डस् (द अस्कर अवार्ड) मा अन्तर्रा्ष्ट्रिय फिचर चलचित्र विधामा अन्य देशका फिल्महरूसँग प्रतिस्पर्धा गर्नेछ ।
विमल पौडेलको अध्यक्षतामा रहेको समितिमा लक्ष्मीनाथ शर्मा, प्रदीपकुमार उपाध्याय, राजेन्द्र शलभ, राजुविक्रम थापा, लोकेन्द्र पराजुली ‘कपील’, सामीप्यराज तिमल्सेना सदस्य छन् भने सचिवमा चिरञ्जीवी गुरागाईं छन् ।
