नेकपाबाट निर्वाचित दोलखाका संसद पार्वत गुरुङविरुद्ध पक्राउ पूर्जी जारी
मिडिया क्लब नेपाल । सत्तारुढ दल नेपाल कम्युनिस्ट पार्टी (नेकपा) का सांसद पार्वत गुरुङ विरुद्ध पक्राउ पूर्र्जी जारी भएको छ ।
जिल्ला अदालत, काठमाडौंले जारी गरेको पक्राउ पूर्र्जी जिल्ला प्रहरी कार्यालय दोलखाले गुरुङसमक्ष तामेल गरेको छ ।
सांसद गुरुङले आफूले पक्राउ पूर्र्जी जारी गरेको जानकारी आएको स्वीकार गरेका छन् ।
२०७४ बैशाखको स्थानीय चुनाव लगत्तै दोलखाका वीरध्वज खड्कामाथि काठमाडौंको गौशालामा आक्रमण भएको थियो ।
खड्काले सांसद गुरुङसमेतको संलग्नतामा आफूमाथि आक्रमण भएको भन्दै महानगरीय प्रहरी परिसर काठमाडौंमा ज्यान मार्ने उद्योगमा जाहेरी दिएका थिए ।
