धानबाली फौजी किराले सखाप पारेपछि किसानको विचल्ली

प्रकाशित मिति : १६ कार्तिक २०७६, शनिबार

मिडिया क्लब नेपाल, नेपालगञ्ज । अहिले अमेरिकी फौजी किराको चर्चा देश भरी नै चलिरहेको छ । वर्षभरिको आयस्रोतका रुपमा रहेको धानबालीलाई फौजी किराले सखाप पारेपछि देशका विभिन्न ठाउँका किसान बिचल्लीमा परेका छन् । त्यस्तै बाँके र बर्दियाका हजारौँ किसान परिवारको पनि बिचल्ली भएको छ ।
अन्नको भण्डार भनेर चिनिने बाँके बर्दियाको धानबालीलाई अमेरिकी फौजी किराले क्षति पुर्याएपछि पीडित किसानले तिनै तहको सरकारसँग सहयोगको गुहार लगाएका छन् । बाँके र बर्दियाका स्थानीय सरकार, प्रदेश सरकार र सङ्घीय सरकारसँग क्षतिपूर्तिको माग किसानले राखेका छन् ।