प्रधानमन्त्रीको स्वास्थ्य समस्या : विकल्पमा नियमित डायलासिस वा प्रत्यारोपण
मिडिया क्लब नेपाल, काठमाडौं । प्रधानमन्त्री केपी शर्मा ओलीले आफू सिकिस्त बिरामी नभएको बताएका छन् । तर मिर्गाैलाले राम्रोसँग काम नगरेकाले अब नियमित डायलासिस वा पुनः प्रत्यारोपण मात्र विकल्प रहेको जानकारी दिएका छन् ।
शनिबार बसेको नेपाल कम्युनिस्ट पार्टी (नेकपा)को सचिवालय बैठकमा पार्टी अध्यक्ष समेत रहेका प्रधानमन्त्री ओलीले आफ्नो स्वास्थ्यबारे ब्रिफिङ गर्दै भनेका थिए – ‘मिर्गाैलाले राम्रोसँग काम नगरेको र फोक्सोमा पानी जम्मा भएकाले ग्राण्डी अस्पतालमा गएर दुई पटक डायलासिस गराएको हुँ ।’
प्रधानमन्त्री ओलीले आफ्नो उपचारमा अबको विकल्प नियमित डायलासिस र प्रत्यारोपण मात्र भएको समेत पार्टीका नेताहरुलाई ब्रिफिङ गरेका थिए ।
