मालपोत कार्यालय काभ्रेका कुख्यात घुस्याहा नासु रोसकाजी घुस लिँदालिँदै पक्राउ
मिडिया क्लब नेपाल, काभ्रे । मालपोत कार्यालय काभ्रेमा कार्यरत नायब सुब्बा रोसकाजी जस्पाउलाई २० हजार घुस लिँदालिदै अख्तियार दुरुपयोग अनुसन्धान आयोगले पक्राउ गरेको छ ।
सेवाग्राहीसँग वर्षाैदेखि सुब्बा जस्पाउले घुस लिएर हैरान बनाएका थिए । जस्पाउ पक्राउ परेपछि काभ्रे जिल्लाका सेवाग्राहीहरुले खुशि व्यक्त गरेका छन् ।
बनेपा ९ घर भई विगत ११ वर्षदेखि मालपोत कार्यालय काभ्रेमा कार्यरत उनले तलदेखि माथिसम्म चित्त बुझाउनुपर्छ भन्दै सेवाग्राहीसँग मोटो रकम असुल्ने गर्दथे । जस्पाउले विभिन्न उद्योगहरू, जग्गा प्लटिङमा ठुलो रकम लगानी गरेका छन् । जस्पाउ पैसाकै आडमा विगत ११ वर्षदेखि नै एकै कार्यालय कार्यरत थिए ।
जस्पाउको पक्राउ पछि सेवा लिन मालपोत कार्यालय, काभ्रे आएका सेवाग्राहीहरु खुशी देखिन्थे ।
