काभ्रेको बेथानचोक जङ्गल मानव कङ्काल फेला

प्रकाशित मिति : १० पुस २०७६, बिहिबार

मिडिया क्लब नेपाल, काभ्रे । जिल्लाको बेथानचोक गाउँपालिका–३ स्थित गैरीभञ्ज्याङको जङ्गलमा मानव कङ्काल फेला परेको छ ।

सोही क्षेत्रका स्थानीयले सो ठाउँमा मानव कङ्काल फेला परेको खबर प्रहरीलाई गरेका थिए । खबर पाउना साथ जिल्ला प्रहरी कार्यालय, काभ्रेपलाञ्चोकका प्रहरी प्रमुख रविराज पौडेल नेतृत्वको टोलीले घटनास्थलमा पुगेर आवश्यक मुचुल्का उठाएको थियो ।

शव परीक्षणका लागि त्रि.वि. शिक्षण अस्पतालमा पठाइसकिएको जिल्ला प्रहरी कार्यालय धुलिखेलले जनाएको छ ।
शवको प्रकृति हेर्दा पुरुषको जस्तो देखिएको प्रहरीले जनाएको छ । घटनासम्बन्धी आवश्यक अनुसन्धान अगाडि बढाइसकिएको पनि जिल्ला प्रहरी कार्यालय काभ्रेले जनाएको छ ।