‘न्यानो अभियान’ अन्तर्गत गोरखनाथका विद्यार्थीलाई न्यानो कपडा
मिडिया क्लब नेपाल, काभ्रे । काभ्रे जिल्लाको पनौती नगरपालिका वडा नं. ६ मा रहेको गोरखनाथ आधारभुत विद्यालयका विद्यार्थीहरुलाई स्विटर र टोपी वितरण गरिएको छ ।
‘न्यानो अभियान’ अन्तर्गत बनेपा रहेको सर्वश्री क्वालिटि प्रिन्टर्सको आयोजनामा विद्यार्थीहरुलाई स्विटर र टोपी वितरण गरिएको सञ्चालिका सर्वश्री अधिकारीले बताउनुभएको छ ।
विद्यालय परिवारले विद्यार्थीहरुलाई सहयोगको लागि अनुरोध गरेपछि ‘न्यानो अभियान’ अन्तर्गत सहयोग गरिएको अभियानकी सञ्चालिका अधिकारीले बताउनुभयो ।
उक्त अभियान अन्र्तगत अभियान्ता अधिकारी लगायत अन्य व्यक्तिको सहभागितामा यसअघि धनुषा जिल्लाको मुसहर बस्तीमा १८० वटा ब्ल्याङ्केट र बर्दिया जिल्लाको सुकुम्बासी बस्तीमा १८० वटा ब्ल्याङ्केटसहित २ सय १५ वटा ज्याकेट वितरण गरिसकिएको बताइएको छ ।
निम्न आयस्तर भएका समुदायका विद्यार्थीहरुले न्यानो स्विटर पाएपछि खुशी भएका थिए, ‘न्यानो अभियान’ अन्तर्गत स्विटर र टोपी पाएपछि विद्यार्थीहरु नियमित विद्यालय आउने विद्यालय प्रशासनले बताएको छ ।
