फुटबलका गतिविधि सञ्चालन गर्ने एन्फाको निर्णय

प्रकाशित मिति : ३ असार २०७७, बुधबार

मिडिया क्लब नेपाल, काठमाडौं – अखिल नेपाल फुटबल संघ (एन्फा)ले अर्काे महिनाबाट फुटबलका गतिविधि सञ्चालन गर्ने निर्णय गरेसँगै खेलाडीहरू उत्साहित बनेका छन् ।
कोरोना भाइरसको महामारीका कारण स्थगित फुटबलका गतिविध पुनः सुचारु गरिने एन्फाले जनाएसँगै खेलाडीहरु पनि खुशी बनेका छन् ।

एन्फाले फिफा विश्वकप २०२२ तथा एएफसी एसियन कप २०२३ को संयुक्त छनोट दोस्रो चरणका खेलको अभ्यास अर्को महिनादेखि सुरु गर्ने जानकारी दिएको हो ।
एन्फाको मंगलबार बसेको केन्द्रीय कार्यसमितिको आकस्मिक बैठकले विश्वकप छनोटका खेल सुचारु गर्न राष्ट्रिय खेलकुद परिषद् (राखेप), स्वास्थ्य मन्त्रालय र युवा तथा खेलकुद मन्त्रालयलाई आग्रह गर्ने जनाएको छ ।

यसैगरी एन्फाले एसियाली फुटबल महासंघ ९एएफसी० को निर्देशिका अनुसार अभ्यास सुरु गर्न सरकारसँग आग्रह गर्ने जनाएको छ ।
एन्फाले छिट्टै सम्बन्धित निकायको स्वीकृतीका लागि पत्राचार गर्न भएको छ । फिफा विश्वकप अन्तरगतका खेल अक्टोबर ८ बाट नेपालमा हुने तय छन् ।