विराटनगरमा समुदायमा कोरोना, २ हप्ता लकडाउन गर्ने घोषणा
मिडिया क्लब नेपाल, मोरङ । मोरङ जिल्लाको विराटनगर महानगरपालिकाले पुनः लकडाउनको घोषणा गरेको छ ।
कोरोना संक्रमण समुदाय तहसम्म पुगेपछि महानगरपालिकाले १४ दिन लामो लकडाउन घोषणा गरेको हो । विराटनगर महानगरपालिका क्षेत्रमा भोलि शनिबारदेखि लकडाउन गरिने भएको हो । कोरोना भाइरस संक्रमितको संख्या तीव्र गतिमा बढ्दै गएपछि महानगरपालिका क्षेत्रमा १४ दिनका लागि लकडाउन गर्ने निर्णय गरिएको हो ।
जिल्लास्तरीय संकट व्यवस्थापन केन्द्र (डीसीसीएमसी) को बैठकले १४ दिन लामो लकडाउन गर्ने निर्णय गरेको हो । विराटनगरस्थित प्रदेश प्रहरी कार्यालय, विराट अस्पताल, कोसी अस्पतालसहित अन्य ठाउँमा दर्जनौं कोरोना संक्रमित भेटिएका छन् ।
