भदौ १ गतेदेखि हवाई उडान नखुल्ने सरकारको संकेत

प्रकाशित मिति : २२ श्रावण २०७७, बिहिबार

मिडिया क्लब नेपाल, काठमाडौं । करिब दुई साता अगाडि बसेको मन्त्रिपरिषदको बैठकले भदौ १ गतेदेखि आन्तरिक तथा अन्तर्राष्ट्रिय हवाई उडान सञ्चालन गर्ने निर्णय गरेको थियो । तर त्यो निर्णय कार्यान्वयन हुने सम्भावना कम रहेको बिहिबार सरकारका प्रवक्ता डा. युवराज खतिवडाले बताएका छन् ।

“जोखिम बढ्दैछ त्यसैले सार्वजनिक यातायात वा अत्यावश्यक बाहेकका अन्तर्राष्ट्रिय उडान तथा आन्तरिक उडान खोलि नहालौँ भन्ने आवाज आइरहेका छन् । हामी केही दिनभित्र कोरोनाभाइरस सङ्कट व्यवस्थापन समितिको बैठक बसेर यी विषयको समीक्षा गर्छाै” सरकारका प्रवक्ता एवं सूचना तथा सञ्चारमन्त्री युवराज खतिवडाले भने ।