भारतबाट आउँदा १० नाकाबाट मात्रै प्रवेश पाउने

प्रकाशित मिति : २७ श्रावण २०७७, मंगलबार

मिडिया क्लब नेपाल, काठमाडौं । भारतबाट नेपाल आउने नेपालीहरुका लागि सरकारले विभिन्न १० वटा नाकाहरुलाई प्रवेश विन्दु तोकेको छ । कोरोना महामारीका कारण बनेको असहज परिस्थितिमा स्वदेश आउनैपर्ने अवस्थामा रहेका नेपालीहरुलाई भारतबाट स्थलमार्ग हुँदै आउनेहरुका लागि १० जिल्लामा प्रवेश विन्दु तोकिएको सूचना तथा सञ्चार प्रविधि मन्त्री युवराज खतिवडाले बताएका छन् ।

सोमबार बसेको मन्त्रिपरिषद् बैठकले तोकेको प्रवेश विन्दुहरुमा झापाको काकडभिट्टा, मोरङको रानी, सिरहाको माडर, रौतहटको गौर, पर्साको वीरगन्ज, रुपन्देहीको बेलहिया, कपिलवस्तुको कृष्णनगर, बाँकेको जमुनाह, कैलालीको गैरीफान्टा र कञ्चनपुरको गड्डाचौकी छन् ।