नमोबुद्ध नगरपालिकाले स्वास्थ्य स्वयंसेविका र अपाङ्गता भएका व्यक्तिको कोरोना बिमा गर्ने
मिडिया क्लब नेपाल, काभ्रे । काभ्रे जिल्लाको नमोबुद्ध नगरपालिकाले अपांगता भएका २३५ र ८१ ज्ना स्वास्थ्य स्वयंसेविकाको कोरोना बिमा गर्ने भएको छ ।
आइतबार बसेको नगर कार्यपालिकाको बैठकले नगरपालिकाबाट अपांगता परिचयपत्र वितरण गरेका व्यक्तिहरुमध्ये रातो र निलो परिचयपत्र प्राप्त गरेका व्यक्ति र नगरपालिकामा कार्यरत महिला स्वास्थ्य स्वयंसेविकाको कोरोना बिमा गर्ने निर्णय गरेको नगरप्रमुख टि.पी. शर्मा तिमल्सिनाले जानकारी दिएका छन् ।
नगरपालिकामा रातो अपांगता परिचयपत्र पाउने ९० जना र निलो परिचयपत्र पाउने १ सय ४५ जना रहेका छन् । हाल नगरपालिकामा ८१ जना महिला स्वास्थ्य स्वयंसेविका रहेका छन् ।
