१२ सय ४६ नयाँ संक्रमित थपिए, संक्रमित संख्या ५० हजार नाघ्यो

प्रकाशित मिति : २५ भाद्र २०७७, बिहिबार

मिडिया क्लब नेपाल, काठमाडौं । बिहिबार देशका विभिन्न स्थानमा गरिएको पिसिआर परीक्षणमा १२ सय ४६ जना कोरोना संक्रमित थपिएका छन् ।
बिहीबार थपिएको यो संख्यासँगै नेपालमा कोरोना संक्रमितको संख्या ५० हजार नाघेको छ । कुल संक्रमित संख्या ५० हजार ४ सय ६५ पुगेको छ ।
यस्तै, पछिल्लो २४ घण्टामा थप १ हजार ८ सय १८ जना कोरोना संक्रमण मुक्त भएका छन् । कुल डिस्चार्ज हुनेको संख्या ३५ हजार सात सय पुगेको छ । यो संख्या कुल संक्रमितको ७१ प्रतिशत रहेको पनि स्वास्थ्य मन्त्रालयले बताएको छ । हाल देशभर १४ हजार ४४८ सक्रिय संक्रमित रहेका छन् ।