शनिबार थपिए २१२० नयाँ सङ्क्रमित, आधाभन्दा धेरै सङ्क्रमित उपत्यकामा

प्रकाशित मिति : १७ आश्विन २०७७, शनिबार

मिडिया क्लब नेपाल, काठमाडौं । स्वास्थ्य तथा जनसंख्या मन्त्रालयका अनुसार गत चौबिस घण्टामा नेपालमा २१२० जना कोरोनाभाइरस सङ्क्रमित थपिएका छन् ।
मन्त्रालयका प्रवक्ता डा.जागेश्वर गौतमले शनिवारको नियमित प्रेस ब्रिफिङमा यो जानकारी दिएका हुन् । पछिल्लो २४ घन्टामा ८ जनाको मृत्यु भएसँगै भाइरस सङ्क्रमित मृतकको संख्या ५२८ पुगेको छ ।
शुक्रवार एकैदिन २७२२ नयाँ सङ्क्रमित थपिएका थिए जुन विवरण अहिलेसम्मकै सर्वाधिक वृद्धि थियो । शनिवार पनि सङ्क्रमितको संख्या दुई हजार नाघेको हो ।
यससँगै देशभर अहिले सक्रिय सङ्क्रमितको संख्या २१३०२ पुगेको छ ।