प्रधानमन्त्री निवासका सल्लाहकारदेखि सुरक्षाकर्मीसम्म कोरोना संक्रमण

प्रकाशित मिति : १७ आश्विन २०७७, शनिबार

मिडिया क्लब नेपाल, काठमाडौं । प्रधानमन्त्री निवास बालुवाटारमा कोरोना संक्रमण व्यापक देखिएको छ । प्रधानमन्त्रीका तीन सल्लाहकार र स्वकीय सचिव सहित सुरक्षामा खटिएका ६५ सुरक्षाकर्मीलाई कोरोना भाइरस (कोभिड–१९) को संक्रमण पुष्टि भएको छ ।
स्रोतका अनुसार नेपाली सेनालका २८, नेपाल प्रहरीका १९ (शुक्रबार २ र शनिबार १७ जना) र सशस्त्र प्रहरीका १८ जनालाई कोरोना संक्रमण देखिएको छ ।
अरु केहीको रिपोर्ट आउन बाँकी रहेको बताइएको छ ।
शनिबार मात्र प्रधानमन्त्रीका तीन सल्लाहकार र स्वकीय सचिवलाई समेत कोरोना संक्रमण पुष्टि भएको थियो ।