काभ्रेमा कोरोनाको जोखिम बढ्दै, आज थपिए ५६ नयाँ संक्रमित

प्रकाशित मिति : २० आश्विन २०७७, मंगलबार

मिडिया क्लब नेपाल, काभ्रे । राजधानी नजिकैको जिल्ला काभ्रेमा कोरोना भाइरसको जोखिम बढ्दै गएको छ । जिल्ला स्वास्थ्य कार्यालय काभ्रेको तथ्यांकअनुसार संक्रमित दिनानुदिन बढिरहेका छन् ।
मंगलबार मात्रै ५६ जना नयाँ संक्रमित थपिएका छन् । धुलिखेल नगरपालिकामा १७ जना, पनौती नगरपालिकामा २ जना, पाँचखाल नगरपालिकामा २ जना, मण्डनदेउपुर नगरपालिकामा १ जना, नमोबुद्ध नगरपालिकामा १८ जना, भुम्लु गाउँपालिकामा १ जना र बनेपा नगरपालिकामा १५ जना नयाँ संक्रमित थपिएका हुन् ।
यस सँगै जिल्लामा कुल संक्रमितको संख्या ८२४ पुगेको छ ।
आजै ६९ जना संक्रमित कोरोना भाइरसमुक्त भएका छन् ।