पछिल्लो २४ घण्टामा थपिए १५५१ नयाँ संक्रमित, काठमाडौं उपत्यकामा मात्रै १०१७ जना

प्रकाशित मिति : २० आश्विन २०७७, मंगलबार

मिडिया क्लब नेपाल, काठमाडौं । स्वास्थ्य तथा जनसंख्या मन्त्रालयका अनुसार आज नेपालमा १ हजार ५ सय ५१ जनामा कोरोना भाइरसको संक्रमण देखिएको छ ।
११ हजार ४७ पीसीआर परीक्षण भएकोमा ५ सय ९ महिला र १ हजार ४२ जना पुरुष संक्रमित भएका हुन । यो सँगै नेपालमा कोरोना संक्रमितको कुल संख्या ९० हजार ८ सय १४ पुगेको छ । पछिल्लो २४ घण्टामा काठमाडौँ उपत्यकामा थप १०१७ जनामा कोरोना संक्रमण पुष्टि भएको छ ।
पछिल्लो २४ घण्टामा ४ महिला र ५ जना पुरुषको कोरोनाका कारण मृत्यु भएको छ । आज काठमाडौं उपतयकामा मात्रै २ पुरुष सहित ५ जनाको मृत्यु भएको हो ।
यो सँगै नेपालमा कोरोनाबाट मृत्यु हुनेको संख्या ५ सय ६३ पुगेको छ ।

स्वास्थ्य तथा जनसंख्या मन्त्रालयका अनुसार काठमाडौँमा मात्र ७८३ जना, भक्तपुरमा ११६ जना र ललितपुरमा ११८ जना रहेका छन् ।