कोभिड–१९ का कारण काभ्रेमा मालपोत कार्यालयसहितका सरकारी कार्यालयहरु बन्द

प्रकाशित मिति : २३ आश्विन २०७७, शुक्रबार

काभ्रे । काभ्रे जिल्लाका केही सरकारी कार्यालयमा कार्यरत कर्मचारीमा कोरोना भाइरस (कोभिड–१९) को संक्रमण पुष्टि भएपछि कार्यलयहरू धमाधम बन्द हुन थालेका छन् ।
जिल्ला मालपोत असोज ३० गतेसम्म र स्वास्थ्य कार्यालय अनिश्चित कालका लागि बन्द गरिएको छ ।
मालपोत र स्वास्थ्य कार्यालयले सूचना जारी गर्दै कर्मचारीमा कोरोना पुष्टि भएकाले सुरक्षा र जनशक्तिको कारण देखाउँदै कार्यालय बन्द गरिएका छन् ।
कर्मचारीहरुमा कोरोना संक्रमण पुष्टि भएपछि जिल्लाका दुई स्थानीय तह रोशी गाउँपालिका र मण्डनदेउपुर नगरपालिकाका सेवा बन्द छन् ।