थपिए २६३८ जना कोरोना भाइरसका नयाँ संक्रमित, उपत्यकामा मात्रै १४०३ जना

प्रकाशित मिति : २८ आश्विन २०७७, बुधबार

काठमाडौं । देशभरबाट पछिल्लो २४ घण्टामा थप २ हजार ६ सय ३८ जनामा कोरोना भाइरस संक्रमण पुष्टि भएको छ । १३ हजार ९ सय २७ जनाको परीक्षण गर्दा २६३८ जनामा कोरोना भाइरस संक्रमण देखिएको स्वास्थ्य मन्त्रालयले नियमित प्रेस ब्रिफिङमार्फत जनाएको छ ।
काठमाडौं उपत्यकामा १४०३ जना संक्रमित भेटिएका छन् । काठमाडौं जिल्लामा ९९६, भक्तपुरमा १०२ र ललितपुर जिल्लामा ३०५ जना संक्रमित भेटिएको जनाइएको छ । देशभर कोरोना भाइरसका सक्रिय संक्रमितको संख्या ३६ हजार ३६७ पुगेको छ ।
पछिल्लो २४ घण्टामा २१७४ जना कोरोना भाइरस संक्रमणमुक्त भएका छन् । नेपालमा हालसम्म कोरोना भाइरस संक्रमण मुक्त हुनेको संख्या ८० हजार ९५४ रहेको छ ।