सोह्रखुट्टेमा ग्यास बिस्फोट हुँदा ठुलो क्षति

प्रकाशित मिति : २९ आश्विन २०७७, बिहिबार

काठमाण्डौ – काठमाण्डौको सोह्रखुट्टेमा ग्यासको सिलिण्डर विस्फोट हुँदा ११ जना घाइते भएका छन् । नीलकुमारी क्षेत्रीको तीन तले घरको पहिलो तलामा ग्यास सिलिण्डर विस्फोट भएको प्रहरीले बताएको छ ।
घाइते ११ जनामध्ये केहीको अवस्था गम्भीर रहेको बताइएको छ । बिस्फोटपछि घरमा आगलागीसमेत भएको बताइएको छ । ग्यास सिलिण्डर विस्फोटबाट वरपरका सात वटा घरका सिसा फुटेका र भित्ता चर्किएका पनि प्रहरीले जानकारी दिएको छ ।