बिहिबार ३७४९ जनामा कोरोना संक्रमण, ३५६४ जना कोरोनामुक्त

प्रकाशित मिति : २९ आश्विन २०७७, बिहिबार

काठमाडौं । देशभरबाट पछिलो २४ घण्टामा थप ३ हजार ७४९ जनामा कोरोना भाइरस (कोभिड–१९) को संक्रमण पुष्टि भएको छ ।
देशभरका प्रयोगशालामा १६ हजार ५९८ नमुना परीक्षण गर्दा ३७४९ जनामा संक्रमण पुष्टि भएको हो । काठमाडौं उपत्यकामा १ हजार ९३५ संक्रमित थपिएका छन् ।
यससँगै कुल संक्रमितको संख्या १ लाख २१ हजार ७४५ पुगेको छ । उनीहरुमध्ये ६९४ जनाको मृत्यु भएको छ भने ८४ हजार ५१२ जना संक्रमणमुक्त भएका छन् । पछिल्लो २४ घण्टामा मात्र ३ हजार ५६४ जना संक्रमणमुक्त भएको स्वास्थ्य तथा जनसंख्या मन्त्रालयले प्रेस ब्रिफिङमार्फत जनाएको छ ।