नेपालमा कोरोना संक्रमितको संख्या १ लाख ३२ हजार, आज मात्रै २९४२ जना

प्रकाशित मिति : २ कार्तिक २०७७, आइतबार

काठमाडौं । देशभरबाट पछिल्लो २४ घण्टामा थप २९४२ जनामा कोरोना भाइरस (कोभिड–१९) को संक्रमण पुष्टि भएको छ ।
देशभरका प्रयोगशालामा १४ हजार ८७५ नमुना परीक्षण गर्दा १११७ महिला र १८२५ पुरुषमा संक्रमण पुष्टि भएको स्वास्थ्य मन्त्रालयले बताएको छ ।
नेपालमा कुल संक्रमितको संख्या १ लाख ३२ हजार २४६ पुगेको छ । संक्रमितमध्ये ७३९ जनाको मृत्यु भइसकेको छ । ९२ हजार १६६ जना संक्रमणमुक्त भएका छन् । पछिल्लो २४ घण्टामा मात्र २३२६ जना संक्रमणमुक्त भएका छन् ।
देशभर ३९ हजार ३४१ संक्रिय संक्रमित छन् । सक्रिय संक्रमितमध्ये ३०१ जनाको आईसीयू र ६६ जनाको भेन्टिलेटरमा उपचार भइरहेको स्वास्थ्य तथा जनसंख्या मन्त्रालयले जनाएको छ ।