प्रतिकिलो ५६० रुपैयाँमा खसीबोका बिक्रि

प्रकाशित मिति : २ कार्तिक २०७७, आइतबार

काठमाडौंं । खाद्य व्यवस्था तथा व्यापार कम्पनी लिमिटेडले खसिबोका प्रति केजी ५६० रुपैयाँमा बिक्रीवितरण गर्ने भएको छ ।
दाङ र मकवानपुरबाट दसैंका लागि पहिलोचोटि खसी तथा बोका काठमाडौं आइपुगेपछि कम्पनीले मूल्य तोकेको हो ।
निर्धारित मूल्यअनुसार कम्पनीले प्रतिकिलोमा दस रुपैयाँ छुट दिइने बताएको छ ।
काठमाडौं आइपुगेका चौपायाको सोमबार बिहान ८ बजेपछि बिक्रीवितरण सुरु हुनेछ । प्रतिकिलो ५५० का दरमा थापाथलीस्थित प्रादेशिक कार्यालय परिसरबाट बिक्रीवितरण हुने कम्पनीले जनाएको छ ।