धनगढीमा होटलबाट ३ युवतीसहित ७ जना पक्राउ

प्रकाशित मिति : २० कार्तिक २०७७, बिहिबार

धनगढी । धनगढीको बसपार्कमा सञ्चालित एक होटलबाट तीन युवतीसहित सात जना पक्राउ गरिएको छ । जिल्ला प्रहरी कार्यालय कैलालीको गस्ती गएको टोलीले गएराति धनगढी बसपार्कस्थित न्यु बडिकेदार होटलका सञ्चालक टेकेन्द्र बडैला सहित ७ जनालाई पक्राउ गरिएको बताएको छ ।
बेचविखनका लागि भारततर्फ लगिरहेको भन्ने सूचनाका आधारमा होटलमा छापा मार्दा पक्राउ गरिएको जिल्ला प्रहरी कार्यालय कैलालीले जनाएको छ । होटलबाट १७, १८ र १९ वर्षिया युवती र होटल सञ्चालक बडैलासहित चार जना पुरुषलाई पक्राउ गरिएको हो । उनीहरुमाथि थप अनुसन्धान भइरहेको प्रहरीले जनाएको छ ।