विद्युत प्राधिकरणमा फर्किएनन् कुलमान, निमित्त कार्यकारी निर्देशकमा हितेन्द्रदेव शाक्य नियुक्त
काठमाडौं । नेपाल विद्युत प्राधिकरणबाट कार्यकाल सकिएर असोज पहिलो साता बिदा भएका कुलमान घिसिङ प्राधिकरणको नेतृत्वमा पुनः आउने आशमा सम्पूर्ण नेपाली थिए । अन्तत कुलमान नफर्किने भएका छन् ।
नेपाल विद्युत प्राधिकरणको निमित्त कार्यकारी निर्देशकमा हितेन्द्रदेव शाक्य नियुक्त भएका छन् । शाक्यलाई ऊर्जा मन्त्रालयले सोमबार निमित्त कार्यकारी निर्देशकमा नियुक्त गरेको हो ।
प्राधिकरणका कार्यकारी निर्देशक कुलमान घिसिङको कार्यकाल सकिएपछि प्राधिरकणमा कार्यकारी निर्देशक पद खाली छ । घिसिङको कार्यकाल सकिएपछि ऊर्जा मन्त्रालयले निमित्त कार्यकारी निर्देशकको जिम्मा लेखनाथ कोइरालालाई दिएको थियो ।
शाक्यलाई कार्यकारी निर्देशक बनाउने उद्देश्य अनुसार नै प्राधिरकरणको निमित्त कार्यकारी निर्देशकको जिम्मेवारी दिइइको बताइएको छ ।
