काठमाडौं उपत्यकामा निशेधाज्ञासहितको लकडाउन

प्रकाशित मिति : ५ मंसिर २०७७, शुक्रबार

काठमाडौं । काठमाडौँ उपत्यकामा कोरोना संक्रमण ह्वातै बढेसँगै यहाँका महानगरपालिका तथा नगरपालिका प्रमुखले फेरी लकडाउन गर्नुपर्ने मत अघि सारेका छन् ।
मेयरहरुले उपत्यकामा कोरोना संक्रमण रोकथाम तथा नियन्त्रणका लागि कम्तिमा २१ दिन कडा लकडाउन गर्न सरकारलाई सुझाव दिएका छन् । छठपछि निषेधाज्ञा गर्नेबारे सरकार सकारात्मक रहेको उपत्यका नगरपालिका फोरमले बताएको छ ।
अहिले उपत्यकामा रहेको संक्रमित मध्ये ९० प्रतिशत घरमा रहेका र १० प्रतिशत मात्र आइसोलेसन सेन्टरमा रहेको फोरमका प्रवक्ता मदनसुन्दर श्रेष्ठले बताएका छन् । घरमा बसेका संक्रमितहरु बजार, अफिस जाने गरेको समेत गुनासो आएकोले संक्रमण फैलिने भयावह खतरा रहेकोले फेरि एकपटक लकडाउन गर्न उपत्यकाका मेयरहरु एकमत रहेको प्रवक्ता श्रेष्ठले बताएका छन् ।