काठमाडौं विश्वविद्यालयको उपकुलपतिमा प्रा.डा. भोला थापा नियुक्त

प्रकाशित मिति : ७ माघ २०७७, बुधबार

धुलिखेल । काठमाडौं विश्वविद्यालयको नयाँ उपकुलपतिमा प्रा.डा. भोला थापा नियुक्त हुनुभएको छ ।
लामो समय विश्वविद्यालयमा सेवा गरिसक्नुभएका डा. थापा आगामी चार वर्षे कार्यकालका लागि नियुक्त हुनुभएको हो ।
शिक्षामन्त्री कृष्णगोपाल श्रेष्ठ, काठमाडौँ विश्वविद्यालयका संस्थापक उपकुलपति प्रा.डा. सुरेशराज शर्मा र विश्वविद्यालय संरक्षण समितिका अध्यक्ष दमननाथ ढुङ्गाना रहनुभएको उपकुलपति छनोट गर्न गठित ‘सर्च कमिटी’ ले निवर्तमान उपकुललपति प्रा.डा. रामकण्ठ माकजु, विश्वविद्यालयका पूर्व रजिष्ट्रार प्रा.डा. भोला थापा र शिक्षाविद प्रा.डा. बालचन्द्र लुइँटेललाई सिफारिस गरेको थियो ।
सिफारिस गरिएका तीन जनामध्येबाट प्रा.डा. भोला थापा छानिनु भएको हो ।