‘केपी ओली एमाले होइनन् बीमाले हुन्’

प्रकाशित मिति : २ फाल्गुन २०७७, आइतबार

तेह्रथुम । नेपाल कम्युनिस्ट पार्टीका प्रचण्ड–नेपाल समूहका एक अध्यक्ष माधवकुमार नेपालले आफू रहेको समूहभित्र नै वास्तविक एमाले रहने बताएका छन् ।
तेह्रथुममा पार्टी कार्यक्रमलाई सम्बोधन गर्दै आइतवार उनले प्रधानमन्त्री केपी ओलीले संसद् विघटनसँगै पार्टी तोडेपछि पुराना एमालेहरू आफ्नो पक्षमा आउन आह्वान गरिरहेको भन्दै त्यसको चर्काे प्रतिवाद गरेका छन् ।
सभालाई सम्बोधन गर्दै नेपालले भने – ‘उनी (ओली) यो कुरा सम्झन चाहँदैनन् । के भ्रम पैदा गरिरहेका छन् भने उनी आफू चाहिँ एमाले अरू सबै माओवादी । अनि एमाले, एमाले मिलौँ भनिरहेका छन् ।’ उनले थपे –‘एमाले, एमाले मिल्ने हो भने केपी ओलीसँग मिल्ने होइन । उनी बीमाले मात्र हुन्, एमाले होइनन् । एमाले कतै छ भने जहाँ माधव नेपाल उभिएको छ त्यहाँ छ एमाले ।’
२०७५ सालमा माओवादी र एमाले मिलेर नेकपा बनेको थियो ।