‘प्रतिनिधि सभाको अधिवेशन फागुन २३ गते’

प्रकाशित मिति : १७ फाल्गुन २०७७, सोमबार

काठमाडौं । राष्ट्रपति विद्यादेवी भण्डारीले फागुन २३ गते लागि प्रतिनिधिसभाको अधिवेशन आह्वान गरेकी छन् ।
मन्त्रिपरिषद्ले सोमवार गरेको सिफारिसका आधारमा आगामी आइतवार अपराह्न चार बजेका लागि प्रतिनिधिसभाको अधिवेशन डाकिएको राष्ट्रपति कार्यालय शीतल निवासले एउटा विज्ञप्तिमार्फत जानकारी दिएको छ ।
सर्वोच्च अदालतले प्रतिनिधिसभा विघटनको निणर्यलाई बदर गर्दै मङ्गलवार १३ दिनभित्र अधिवेशन बोलाउन प्रधानमन्त्री, प्रधानमन्त्री तथा मन्त्रिपरिषद्को कार्यालय, राष्ट्रपतिको कार्यालय र सभामुखका नाममा परमादेश जारी गरेको थियो ।