चाल्नाखेल जंगलमा मृत भेटिएका दुई विद्यार्थी नुवाकोट र काभ्रेका

प्रकाशित मिति : ६ चैत्र २०७७, शुक्रबार

काठमाडौं । चाल्नाखेल जंगलमा मृत भेटिएका दुई युवकको पहिचान खुलेको छ । मृतकमध्ये एक जना नुवाकोटको छापाका १६ वर्षीय अर्जुन खड्का र अर्का काभ्रेको भुम्लुका १७ वर्षीय मंगल तामाङ रहेको महानगरीय प्रहरी परिसर काठमाडौंका प्रवक्ता एसपी रमेश बस्नेतले बताएका छन् ।
उनीहरु दुवैजना बाङ्गेमुढामा बस्ने गरेको पाइएको छ । शुक्रबार जंगलमा भेटिएका दुवै जना विद्यार्थी भएको पनि काठमाडौं प्रहरी परिसरका प्रवक्ता एसपी बस्नेतले बताए । मृतकका आफन्तले शवको पहिचान गरेका हुन् । अर्जुन असनस्थित टेउडा स्कुलमा र मंगल क्षेत्रपाटीस्थित जिपी स्कुलमा कक्षा १० मा अध्ययनरत रहेको बताइएको छ ।