लक्ष्मी महिला साकोसको रणनीतिक व्यावसायिक योजना निर्माण कार्यशाला गोष्ठी सम्पन्न
बनेपा । महिलाद्वारा सञ्चालित काभ्रे जिल्लाको उत्कृष्ट सहाकारी लक्ष्मी महिला बचत तथा ऋण सहकारी संस्थाले दुई दिने रणनीतिक व्यावसायिक योजना निर्माण कार्यशाला गोष्ठी सम्पन्न गरेको छ ।
उक्त कार्यशाला गोष्ठी चौवर्षिय योजना निर्माण गर्नका लागि क्षमता अभिवृद्धि गर्न सञ्चालन गरिएको बताइएको छ ।
नेफ्स्कुनको प्राविधिक सहयोगमा सञ्चालित कार्यक्रम बनेपाका होटल उग्रचण्डीमा भएको थियो ।
कार्यक्रमको अन्तिम दिन प्रमुख अतिथि जिल्ला सहकारी संघका अध्यक्ष दिलिप शर्माले केक काटी रणनीतिक योजना सफलताको शुभकामना व्यक्त गर्नुभएको थियो ।
