परोपकार महिला साकोसको तेस्रो वित्तीय साक्षरता कार्यक्रम सम्पन्न

प्रकाशित मिति : २४ चैत्र २०७७, मंगलबार

दोलखा । चरिकोटमा रहेको परोपकार महिला साकोसको तेस्रो चरणको वित्तीय साक्षरता तथा सदस्य शिक्षा शिविर कार्यक्रम भीमेश्वर नगरपालिका वडा नं. ६ मा मंगलबार सम्पन्न भएको छ ।
आफ्ना सदस्यलाई आम्दानी, खर्च, बीमा तथा विप्रेषण सेवा लगायतका विषयमा जानकारी गराउने उदेश्यले सञ्चालित उक्त कार्यक्रममा संसथाका २५ जना सदस्यको सहभागीता रहेको थियो ।

कार्यक्रमको सहजिकरण संस्थाकी अध्यक्ष शर्मिला सापकोटा र ऋण -उप समिति सदस्य कल्पना आचार्यले गर्नु भएको थियो । कार्यक्रमपश्चात सहभागीले यस किसिमका ज्ञानले आफ्नो दैनिक जीवनमा ठुलो महत्व रहने र आगामी दिनमा सोही अनुरूप अगाडि बढ्ने भनी खुशी व्यक्त गरेका थिए ।
कार्यक्रममा शिक्षा उप-समिति संयोजक सुनिता पोखरेल, सञ्चालक सदस्य कल्याणी शिवाकोटी लगायतको सहभागीता रहेको थियो ।