‘बेड अभावले उपचार नपाएर कोरोना सक्रमितको मृत्यु’
अर्घाखाँची । लुम्बिनी अस्पताल बुटवलमा बेडको अभावमा उपचार नपाउँदा अर्घाखाँचीका एक कोरोना सक्रमितको मृत्यु भएको छ । अर्घाखाँचीको मालारानी गाउँपालिका-७ का ६० वर्षीय एक पुरुषको कोरोना भाइरसका कारण ज्यान गएको हो ।
रोजगारीका लागि भारत गएका ति पुरुष चैत २९ गते घर फर्किएका थिए । बैशाख ८ गते उपचारका लागि बुटवल लुम्बिनी अस्पतालमा लगिएकोमा पिसिआर परीक्षणमा कोरोना संक्रमण पुष्टि भएको थियो ।
कोरोना पुष्टि भएपछि लुम्बिनी अस्पतालमा उपचारका लागि वेड नहुँदा उनलाई घर फिर्ता गरिएको थियो । स्वास्थ्य बिग्रिदै गएपछि उनलाई मंगलबार जिल्ला अस्पताल सन्धिखर्कमा लगिएकोमा उपचारको क्रममा त्यही मृत्यु भएको जिल्ला जनस्वास्थ्य कार्यालयले बताएको छ ।
