बागमती प्रदेशमा तीन मन्त्री, एक राज्यमन्त्री नियुक्त
हेटौंडा । बागमती प्रदेशमा मन्त्री परिषद् पुर्नगठन भएको छ । मन्त्री नियुक्त भई सपथ ग्रहण गर्नेमा आन्तरिक मामिला तथा कानूनमन्त्रीमा नुवाकोटका केशवराज पाण्डे, उद्योग पर्यटन वन तथा वातावरण मन्त्रीमा सिन्धुपाल्चोकका सरेश नेपाल र सामाजिक विकास मन्त्रीमा दोलखाकी सरस्वती बस्नेत रहेका छन् । यस्तै, सामाजिक विकास राज्यमन्त्रीमा धादिङका डा.रामकुमार अधिकारीलाई मुख्यमन्त्री पौडेलले सपथ ग्रहण गराएका छन् ।
मुख्यमन्त्री विरुद्घ अविश्वासको प्रस्ताव राख्नु अघि सरकारमा रहेका आन्तरिक मामिला मन्त्री शालिकराम जमकट्टेल, उद्योग पर्यटन वन तथा वातावरण मन्त्री अरुण नेपाल र सामाजिक विकास मन्त्री युवराज दुलालले राजीनामा दिएका थिए ।
मन्त्री बन्ने चर्चामा रहेका काभ्रेका चन्द्र लामा र राज्यमन्त्रीमा चर्चा पाएकी मकवानपुरकी जुनेली श्रेष्ठको नाम भने चर्चामै सिमित भएको छ ।
