मण्डन देउपुरमा नगरको सिफारिस नपाउँदा स्वाब संकलन अवरुद्ध

प्रकाशित मिति : २९ बैशाख २०७८, बुधबार

काभ्रे । काभ्रे जिल्लाको मण्डनदेउपुर नगरपालिकाले सामान्य सिफारिस नदिँदा स्वाब संकलन शिविर अवरुद्ध भएको छ ।
मण्डन देउपुर नगरपालिकाका सबै नागरिकको निःशुल्क स्वाब संकलन गरी परिक्षण गरेर रिपोर्टसमेत वितरण गर्ने गरी समाजसेवी कश्यप पौडेल र समाजसेवा समुहको सहकार्यमा गर्ने गरी तयारी गरिरहँदा मण्डन देउपुर नगरपालिकाले सामान्य सिफारिस समेत नदिँदा उक्त कार्य रोकिएको छ । नगरले गर्न नसकेको काम त्यहाँका समाजसेवीले गर्न लागेकोमा सामान्य सिफारिस समेत नदिई जनस्वास्थ्यमाथि नगरले खेलबाड गरेको छ ।
त्यसो त मण्डन देउपुर नगरपालिकाका मेयरले आफूलाई व्यक्तिगत रुपमा फाइदा नहुने जुनसुकै काममा बाधा पुर्‍याउने गरेको सर्वसाधारणहरुको गुनासो छ ।