खानीखोला गाउँपालिकामा ह्वातै बढ्यो कोरोना संक्रमण

प्रकाशित मिति : १ जेष्ठ २०७८, शनिबार

काभ्रे । काभ्रे जिल्लाको खानीखोला गाउँपालिकामा कोरोना संक्रमण ह्वातै बढेको छ । गाउँपालिकाको वडा नं. ५ र ७ मा कोभिड संक्रमित बढ्दो रहेका बताइएको छ । दुवै वडाका विरामीहरुको स्वाव परिक्षण गर्दा २० जनामा कोभिड पोजिटिभ देखिएको बताइएको छ ।
अहिले स्वाव संकलन गर्दै परिक्षणको लागि प्रयोगशालमा ल्याउने क्रम जारी छ । सोही क्रममा बैशाख ३१ गते वडा नं ४ मा डा. आशिष वाक्लेको टोलीले २० जनाको स्वाव संकलन गरि सकेको स्वास्थ्य शाखाले बताएको छ ।
स्वास्थ्य शाखाका अनुसार पालिका भरिमा १०० जना भन्दा बढीमा कोरोना पोजिटिभ देखिइसकेको छ ।