स्वयम्भुकी ३२ वर्षीया युवतीको पेटबाट निकालियो ३५ किलोको ट्युमर

प्रकाशित मिति : १ असार २०७८, मंगलबार

काठमाडौं । स्वयम्भूकी ३२ वर्षीया कुसुम लामाको पेटबाट ३५ केजीको ट्युमर शल्यक्रिया गरेर निकालिएको उपचारमा संलग्न चिकित्सकले जनाएका छन् ।
केही समययता उनको पेट अस्वाभाविक रूपमा बढेपछि उनलाई हिँडडुल गर्न र सास फेर्न गाह्रो भएको र त्यसपछि भक्तपुर क्यान्सर अस्पतालमा भर्ना गरिएको थियो ।
शल्यक्रियाअघि उनको तौल ९८ केजी रहेको र १२ जनाको टोलीले उक्त ट्युमर निकालेको अस्पतालकी स्त्री क्यान्सर रोग विशेषज्ञ अस्पताल डा. सृष्टि श्रेष्ठ प्रजापतिले बताएकी छन् ।
ठूलो आकारको ट्युमरको शल्यक्रिया जटिल मानिए पनि कमजोर आर्थिक अवस्था र महामारीका कारण उपचारमा ढिलाइ भएको परिवारको भनाइ छ ।