बेथानचोक १ को रतौन खोलाले बगाउँदा एक महिलाको मृत्यु

प्रकाशित मिति : २८ असार २०७८, सोमबार

काभ्रे । काभ्रे जिल्लाको बेथानचोक गाउँपालिका वडा नं. १ च्याम्राङ्गबेशीमा खोलाले बगाउँदा एक महिलाको मृत्यु भएको छ ।
बेथानचोक १ मा रहेको रतौन खोलाले बगाउँदा सोही गाउँमा बस्ने ५० वर्षिय पुतलीमाया लोप्चनको मृत्यु भएको हो । आइतबार साँझ खोला तर्ने क्रममा बगाएको स्थानीयले बताएका छन् ।
तीन वर्षअघि पुल बनाउन डिपिआर भए पनि अझै पुल बन्न सकेको छैन । बेथानचोक गाउँपालिकाका वडा नं. १ र खानीखोलाका स्थानीय समेत जोखिम मोलेर यात्रा गर्न बाध्य छन् ।