काभ्रेमा समाचार लेखेको भन्दै पत्रकारमाथि नै ‘निर्घात कुटपिट’

प्रकाशित मिति : ४ कार्तिक २०७८, बिहिबार

काभ्रे । काभ्रे जिल्लाको बेथानचोक गाउँपालिका वडा नं. १ मा समाचार लेखेको भन्दै पत्रकारमाथि कुटपिट भएको छ । भ्रष्टाचारको विषयमा समाचार लेखेको भन्दै बेथानचोक गाउँपालिका वडा नम्बर १ च्याम्राङवेशी घर भएका पत्रकार चुडामणि तिमल्सिनालाई स्थानीय सुदर्शन तिमल्सिनाले कुटपिट गरेको प्रहरी चौकी च्याम्राङ्गवेशीले जानकारी दिएको छ ।
पत्रकार चुडामणि तिमल्सिना नेपाल पत्रकार महासंघ ललितपुर शाखाका सदस्य पनि हुन ।
पत्रकार तिमल्सिनाको आँखामा चोट लागेको छ । उहाँको स्वास्थ्य उपचार भइरहेको बताइएको छ ।