राष्ट्र बैंकको चेतावनी : ‘खातामा नभएको रकमको चेक नलेख्नु’

प्रकाशित मिति : १८ चैत्र २०७९, शनिबार

काठमाडौं । नेपाल राष्ट्र बैंकले आफ्नो खातामा नभएको रकमको चेक नलेख्न आग्रह गरेको छ । केन्द्रीय बैंकले सचेतनामूलक सामग्री प्रकाशित गर्दै रकम नभए चेक नलेख्न सर्वसाधारणलाई सचेत गराएको हो । त्यस्तो चेक लेखेमा निजको वित्तीय रेकर्ड खराब हुने, कालोसूचीमा परिने र कानुनी कारवाही भोग्नुपर्नेसम्मको अवस्था आउने बारे केन्द्रीय बैंकले चेतावनी दिएको हो ।
राष्ट्र बैंकले भनेको छ, ‘आफ्नो खातामा नभएको रकमको चेक लेख्नुहुँदैन । यस्तो कार्य गर्दा वित्तीय आचारण खराब देखिन्छ । कानूनी कारबाही र कालो सूचीमा परिन्छ ।’