‘राष्ट्रिय वृक्षारोपण दिवस’मा जनसचेतन साकोसद्वारा वृक्षारोपण

प्रकाशित मिति : १५ असार २०८०, शुक्रबार

दोलखा । दोलखाको मैनापोखरीमा मुख्य कार्यालय रहेको जनसचेतन बचत तथा ऋण सहकारी संस्था लि.ले राष्ट्रिय वृक्षारोपण दिवसको अवसरमा वृक्षारोपण गरेको छ । ‘स्वच्छ वायु, स्वस्थ जीवन, पर्यावरणीय संरक्षणमा जनसचेतनको योगदान’ भन्ने नारालाई सार्थकता दिने उदेश्यले मैनापोखरी बजारमा वृक्षारोपण गरेको संस्थाले जानकारी दिएको छ ।
डिभिजन वन कार्यालय, दोलखा उद्योग वाणिज्य संघ, इलाका प्रहरी कार्यालय मैनापोखरी, संस्थाका सञ्चालक, कर्मचारी, शिक्षक, व्यापारी लगायतको सयुंक्त सहभागितामा वृक्षरोपण गरिएको हो । वन कार्यालयले १५० वटाका दरले कपुर, कल्की र धुपीको विरुवा उपलब्ध गराएको थियो भने जकाराण्डाको ५० गरी ५०० सय विरुवा रोपेको संस्थाले जनाएको छ ।