जनसचेतन साकोसका कर्मचारीहरुको क्षमता विकास तालिम सम्पन्न

प्रकाशित मिति : १७ पुस २०८०, मंगलबार

दोलखा । दोलखा जिल्लाको वैतेश्वर गाउँपालिका–५, काब्रेमा मुख्य कार्यालय भई सेवा प्रदान गर्दै आएको जनसचेतन बचत तथा ऋण सहकारी संस्था लि.का कर्मचारीहरुको क्षमता विकास तालिम काभ्रेको धुलिखेलमा सम्पन्न भएको छ ।
पुस १३ गतेदेखि सञ्चालित तालिम ३ दिनसम्म सञ्चालन भएको थियो । कार्यक्रम समापन समारोहमा प्रमुख अतिथि नेफ्स्कुनका अध्यक्ष चन्द्रप्रसाद ढकाल हुनुहुन्थ्यो भने कार्यक्रमको अध्यक्षता साकोसका अध्यक्ष हेमन्त चौलागाईले गर्नुभएको थियो । तालिम सहजीकरण नेफ्स्कूनका प्रमुख कार्यकारी अधिकृत डा. शिवजी सापकोटाले गर्नुभएको थियो ।

विगतमा एक्सेस सिल्भर ब्राण्ड प्राप्त जनसचेतन साकोस समुदायमा आधारित सदस्य केन्द्रित बचत तथा ऋण सहकारी संस्था हो । साकोसको स्थापना २०५० सालमा भएको थियो ।